Nota aan redakteurs: Vind aangeheg stemnota deur Thomas Walters.
Die DA se veldtog teen kaderontplooing en die ANC/PA/EFF Koalisie van Korrupsie het nog ‘n sukses behaal in nog ‘n hofoorwinning.
In Mei vanjaar het die ANC/PA/EFF, ‘n belaglike staatskapingspoging uitgevoer deur onder mekaar ‘n burgermeester, onderburgermeester en Speaker te verkies – en daarna probeer om vinnig beheer te kry oor die finansies van die Munisipaliteit.
Dit is nie toeval nie dat dit juis gebeur het toe die Munisipaliteit vir die eerste keer in jare ‘n skoon oudit ontvang het onder die DA se leiding, en juis toe dit duidelik geword het dat die DA ondersoeke gaan loods oor verdagte optrede in die verlede.
Die DA, as ‘n party wat in die grondwet glo, het hierdie staatskapingspeletjie dadelik met ‘n hofbevel beëindig wat ook ‘n persoonlike kostebevel ingesluit het.
Die ANC/PA/EFF Koalisie van Korrupsie het daarna, in ‘n poging om die persoonlike kostebevel te vermy en hulle optrede die skyn van legitimiteit te gee ‘n aansoek tot ‘n appêl geloods.
Daardie aansoek is nie toegestaan nie, weereens met persoonlike kostebevelle.
Die DA se regrukpoging wat onder ander kriminele klagtes insluit duur volstoom voort!
Ons vra die inwoners van Matzikama, ongeag van politieke affiliasie om die DA geveg te ondersteun – al veg die wat iets het om weg te steek so hard as wat hulle kan!